أنواع مشروبات القهوة الساخنة في مصر

مشروبات القهوة الساخنه في مصر مش مجرد مشروبات بتفوق، دي رمز للضيافة والتجمعات الاجتماعية، وكمان لوحة رسم فيها كتير من الابداعات يوم عن يوم. مشروبات القهوة الساخنة بتتقدم في مصر من أيام السلاطين لما كانت بتتقدم في المجالس، لحد دلوقتي لما بنلاقيها في كل حتة، من القهوة الشعبية للكافيهات الفخمة. في المقال ده، هناخدك في رحلة سريعة عبر مشروبات القهوة الساخنة اللي المصريين بيحبوها، زي القهوة التركي، فانيلا لاتيه، قهوة اسبريسو، وايت موكا، وغيرهم من أنواع القهوة في مصر حاليًا.

تاريخ القهوة في مصر وعند العرب؟

القهوة وصلت مصر في القرن الـ16 عن طريق التجار والحجاج من مكة، وبقت جزء من الحياة الاجتماعية. المقاهي الشعبية (القهاوي) كانت وما زالت مراكز للناس يتجمعوا ويفضفضوا، وكانت مشروبات القهوة المختلفة هي الشاهد الأبدي على كل التجمعات سواء سعيدة أو حزينة. القهوة التركية، بقت رمز للضيافة، وبـ تُقدم في المناسبات. دلوقتي، مع انتشار الكافيهات الحديثة، القهوة بقت تجربة متنوعة، و بقى فيها مشروبات كتير مختلفة زي الكابتشينو و الماكياتو وخلافه. لكن تعالى نبدأ بالمشروب الأكثر انتشارًا.

اقرأ اكثر حول تاريخ القهوة عند العرب وثقافة المصريين

أنواع مشروبات القهوة الساخنة في مصر 

مشروبات القهوة الساخنة نقدر نقسمها لقسمين: القهوة التقليدية العتيقة، زي القهوة التركية والقهوة العربية، والمشروبات الأحدث اللي ظهرت مؤخرًا، وهي مشروبات مختلفة وأكثر تعقيدًا وليها جمال خاص لا يمكن إنكاره إليك أشهر مشروبات القهوة الساخنة: 

القهوة التركية:

القهوة التركية هي ملكة مشروبات القهوة في مصر، وتُقدم في الكافيهات والمقاهي من أقدمها إلى أحدثها. طريقة عمل القهوة التركية سهلة جدًا بـ بن مطحون ناعم (سادة أو محوج) في كنكة وتُقدم في فناجين صغيرة. إما بتكون قهوة سادة (بدون سكر) أو على الريحة (سكر قليل) الخ حسب الرغبة. شوف أنواع القهوة حسب السكر ومشهورة بالوش الحلو اللي بـ يظبط المزاج

هل في توليفة مثالية للقهوة تعمل وش ذهبي وطعم خرافي؟ جرب افضل بن في مصر بن نجار جولد واحكم بنفسك!

القهوة العربية:

القهوة العربي هي جزء أساسي من ثقافة العرب في جميع الأوقات وخاصةً في رمضان على الإفطار مع التمر مع الأهل والأصدقاء. القهوة العربية بـ تتعمل بشكل أساسي من حبوب بن أرابيكا تحميصها خفيف أو وسط، و ليها عدة نكهات حسب الثقافة. شوف مكونات القهوة العربية

قهوة اسبريسو:

القهوة الاسبريسو هي قهوة قوية ومركزة، منشأها إيطالي، وتعتبر هي أساس معظم مشروبات القهوة الحديثة في الآونة الأخيرة. عادةً بـ تتعمل بماكينة مخصصة عن طريق ضغط الماء الساخن على بن مطحون ناعم جدًا، لكن يمكن الاستغناء عن الماكينة. تعرف على طريقة عمل الاسبريسو بدون ماكينة في البيت.

قهوة أمريكية:

القهوة الأمريكية أو الأمريكانو هي قهوة بـ تتعمل بسهولة عن طريق إضافة ماء ساخن إلى شوت اسبريسو لتخفيفها. الطريقة دي بتخلي طعم القهوة ألطف، خاصةً لو الاسبريسو بالنسبة لك قوية. لكن رغم سهولتها، ليها عدة أنواع، شوف طريقة عمل الأمريكانو

ماكياتو:

الماكياتو - وأحيانًا يُطلق عليه ميكاتو - هو مشروب إيطالي يوازن بين قوة الاسبريسو وبين نعومة الكابتشينو، ومشهور كجرعة كافيين ما بعد الظهر في الكافيهات العالمية. بيتكون من اسبريسو مع بضع نقاط من اللبن أو رغوة اللبن. طعمه قوي وبسيط، وبيحافظ على نكهة الإسبريسو. اقرأ عن ما هو الماكياتو

كابتشينو:

الكابتشينو هو مشروب غني عن التعريف، مشروب غني ولذيذ و عالمي و ليه مكانة خاصة في قلوب محبي القهوة. الكابتشينو بـ يتكون من 3 مكونات أساسية وهم: قهوة اسبريسو، حليب مخفوق، ورغوة حليب، وأيضًا ليه عدة أنواع. شوف بالتفصيل مكونات وطريقة عمل الكابتشينو

لاتيه:

اللاتيه هو من أكتر المشروبات الإيطالية شهرة في العالم، وميزته الأساسية إنه مشروب ناعم ولطيف وغني بالحليب أكتر من القهوة، و ده بيخليه مشروب مناسب للي بيحبوا قهوتهم فيها لبن، مش سادة زي الاسبريسو أو التركي. اعرف بالتفصيل طريقة عمل اللاتيه في البيت أحلى من الكافيهات!

وايت موكا:

مشروب حديث ظهر مع حب الناس للطعم الحلو بجانب مشروبات القهوة الغنية بالحليب زي الكابتشينو واللاتيه. والوايت موكا بـ تتكون من مزيج مميز من الإسبريسو، اللبن، والشوكولاتة البيضاء. طعمه حلو وغني، ومحبوب للي بيحبوا الحلويات مع القهوة.

الخاتمة:

مشروبات القهوة الساخنة في مصر بتقدم تجربة غنية، من القهوة التركية اللي بتحكي قصص الضيافة، لمشروب لاتيه بيريح الأعصاب في بيتك بعد يوم شغل طويل. سواء كنت بتحب الطعم القوي للاسبريسو أو القهوة التركي، أو نعومة ولذة الكابتشينو واللاتيه وغيرهم، فـ دايمًا في مشروب لكل ذوق. 

الأسئلة الشائعة:

ايه أشهر مشروبات القهوة الساخنة في مصر؟

القهوة التركية، الاسبريسو، اللاتيه، الكابتشينو، والماكياتو.

ايه الفرق بين اللاتيه والكابتشينو؟

اللاتيه فيه لبن أكتر ورغوة أقل، بينما الكابتشينو فيه رغوة كثيفة ولبن أقل.

ازاي أعمل قهوة أمريكي في البيت؟

استخدمي فلتر قهوة، حطي بن مطحون متوسط، وصب ميّاه ساخنة بالتدريج.

ايه هو الماكياتو؟

اسبريسو مع نقطة صغيرة من اللبن، طعمه قوي وبسيط.