دليل شامل عن نسبة الكافيين في مشروبات القهوة
كتير مننا مش بيقدر يستغنى عن فنجان القهوة الصبح أو مع شلة الصحاب على القهوة، عشان كده معرفة نسبة الكافيين في القهوة وأنواعها المختلفة مهم لصحتك، خاصةً لو بتعاني من الصداع أو القلق أو قلة النوم.
معظم مشروبات القهوة بتحتوي على كافيين بنسب متفاوتة، في المقال ده هنعرف نسبة الكافيين في القهوة والنسكافيه في القهوة التركي، القهوة العربي، الإسبريسو، إلى آخره من مشروبات القهوة المفضلة عندك. وهنعرف الكمية المسموحة من الكافيين للبالغين والحوامل والأطفال.
ما هو الكافيين؟ وما هي فوائده؟
الكافيين من أكثر المواد المنبهة انتشارًا في العالم، وبنلاقيه في أغذية طبيعية زي التفاح والكاكاو (الشوكولاتة) وكمان بنلاقيه في مشروبات كتير زي القهوة والنسكافيه والشاي.
فوائد الكافيين
وللكافيين فوائد كتيرة منها:
- تنشيط الحواس
- تزويد الجسم بالطاقة
- تحسين عملية الهضم
- تحسين وتقوية الذاكرة طويلة الأمد
- تقليل فرص الإصابة بمرض السكري (النوع الثاني)
- تحسين الأداء الرياضي وزيادة القدرة على التحمل
- تقليل فرص الإصابة بالاكتئاب، ومرض باركنسون، والزهايمر، وسرطان الجلد.
متى يمتص الجسم للكافيين؟
الكافيين يبدأ تأثيره في الظهور على الجسم عادةً بعد مرور 5-30 دقيقة من تناوله، والجسم بيحتاج فترة تتراوح من 30-45 دقيقة عشان يمتص الكافيين بالكامل، والتأثير ده بيستمر لمدة تتراوح ما بين 3-12 ساعة من تناوله.
ومهم تعرف إن الكافيين لا يتراكم في الجسم، أي إن الجسم بيتخلص من الكافيين بانتظام. لكن ايه كمية الكافيين المسموحة للشخص البالغ يوميًا؟
إقرأ المزيد حول اكثر فوائد القهوة شيوعا تجعلك تشربها بأستمرار
ايه الجرعة المسموحة من الكافيين يوميا؟
بعد ما عرفنا تعامل الجسم مع الكافيين، مهم جدًا نعرف الكمية المسموحة يوميًا من الكافيين للبالغين والحوامل والأطفال:
جرعة الكافيين المسموحة يومياً للفرد البالغ:
كمية أقصاها 400 ملليجرام من الكافيين يوميًّا.
جرعة الكافيين المسموحة يومياً للنساء الحوامل:
كمية أقصاها 200 ملليجرام من الكافيين يوميًّا.
جرعة الكافيين المسموحة يومياً للأطفال أكبر من 12 عامًا:
كمية أقصاها 100 ملليجرام من الكافيين يوميًّا.
نسبة الكافيين المسموحة يومياً للأطفال دون سن 12 عامًا:
يفضل أن يتجنب الأطفال في العمر ده الكافيين بشكل تام.
اكتشف منتجات بن نجار صاحب أحلى قهوة في مصر! جرب مجموعتنا المتميزة اللي هتناسب ذوقك.
ما الفرق بين نسبة الكافيين في الشاي والقهوة؟
بعد ما عرفنا الجرعة المسموحة من الكافيين يوميًا، يللا نعرف كمية الكافيين في الشاي ومشروبات القهوة المختلفة عشان تعرف إذا كنت بتعدي الحد الأقصى يوميًا.
من الضروري تجنب تجاوز الحد الأقصى يوميُا من الكافيين لتجنب مشاكل الأرق، الصداع، و التبول المتكرر، وارتفاع الضغط.
ما هي كمية الكافيين في القهوة التركية؟
يحتوي فنجان قهوة تركي صغير أو single أي (حوالي 65 ملليلتر) على نسبة متوسطة من الكافيين (حوالي 60 ملليجرام) من الكافيين. ولو بتحب القهوة وعايز تجرب أفضل نوع قهوة في مصر، جرب عالم توليفات بن نجار اكسترا واعمل فنجان قهوة يظبط مزاجك!
ما هي نسبة الكافيين في القهوة العربية؟
تحتوي القهوة العربي على حوالي 40-60 ملليجرام من الكافيين لكل فنجان صغير.
ما هي نسبة الكافيين في القهوة سريعة التحضير (النسكافيه)؟
النسكافيه أو القهوة سريعة التحضير بتختلف نسبة الكافيين فيه حسب النوع:
نسبة الكافيين في النسكافيه العادي:
حوالي 80 - 120 مجم لكل كوب 250 ملليلتر.
نسبة الكافيين فى النسكافيه بدون كافيين:
يُعرف بالقهوة منزوعة الكافيين أو ديكاف Decaf وبتكون نسبة الكافيين فيها قليلة جدًا (حوالي 2-5 مجم لكل كوب) ويكون مناسب للأشخاص اللي بيحبوا يشربوا قهوة لكن عندهم حساسية من الكافيين.
ما هي نسبة الكافيين في الاسبريسو؟
شوت اسبريسو واحد أو single يحتوي على نسبة عالية من الكافيين (حوالي 100 ملليجرام كافيين لكل فنجان 60 ملليلتر). لذلك الاسبريسو معروف بإنه للمزاج العالي، واللي عايزين يسهروا. تقدر تعرف طريقة عمل الاسبريسو في البيت بسهولة.
عايز تجرب أعلى نسبة كافيين في قهوة؟ مجموعو منتجات القهوة الاسبريسو من بن نجار عندنا مش بس هتديك كافيين عالي التركيز، لكن كمان هتنسيك أي اسبريسو دوقته قبل كده!
ما هي كمية الكافيين في القهوة الفلتر؟
تحتوي القهوة الفلتر على أعلى نسبة كافيين في القهوة. كل كوب قهوة مفلترة أي حوالي 150 ملليلتر يحتوي على نسبة كافيين تتراوح بين 115 - 175 ملليجرام كافيين.
ما هي كمية الكافيين في الشاي الأسود والأخضر؟
الشاي بيحتوي على نسبة كافيين أقل من القهوة بمرتين. يحتوي كوب واحد من الشاي الأسود على تقريبًا 50 ملليجرام كافيين بسبب تأكسد أوراق الشاي وتسرب الكافيين إلى الماء فيعطي نكهة مميزة وقوية وكافيين أعلى.
أما الشاي الأخضر فيحتوي الكوب منه على نسبة تتراوح بين 20 - 45 ملليجرام من الكافيين لكل كوب (لعدم تأكسد أوراقه).
ايه هو أحسن نوع بن في مصر؟ اكتشف أفضل منتجات البن المحوج والسادة في السوق المصري لتحضير قهوتك المفضلة
خاتمة:
في النهاية، معرفة نسبة الكافيين في القهوة والنسكافيه ومشروبات القهوة المختلفة، هتساعدك تختار المشروب المناسب ليك حسب احتياجاتك اليومية. سواء كنت عايز طاقة سريعة من خلال اعلى نسبة كافيين في القهوة، أو كنت بتبتعد عن الكافيين وتفضل قهوة منزوعة الكافيين أو بدائل الكافيين، القرار بيكون بين إيديك. المهم دائمًا أنك تستمتع بالمشروبات اللي بتحبها بشكل متوازن وبطريقة تناسب صحتك. فخليك واعي لاختياراتك، ودايمًا اسمع لجسمك عشان توازن بين المتعة والفوائد!
الأسئلة الأكثر شيوعًا:
في الفترة الأخيرة، كتير من الناس بدأوا يهتموا بمعرفة نسبة الكافيين في القهوة والنسكافيه والشاي الخ، وازاي ممكن يؤثر الكافيين على صحتهم. علشان كده، جمعنا ليكم أشهر الأسئلة اللي بتتردد حول الموضوع ده، والإجابات الواضحة عليها.
هل الكافيين مضر؟
بالعكس، الكافيين له فوائد كتيرة زي تحسين المزاج و الأيض والهضم والتحمل والأداء الرياضي. لكن من الضروري الحفاظ على كمية الكافيين اليومية دون الحد الأقصى لتجنب أي آثار عكسية.
هل القهوة آمنة أثناء الحمل؟
الدراسات الطبية ذكرت إن 200 مجم يوميًا هي الكمية القصوى من الكافيين المسموحة للمرأة الحامل، لكن من الضروري استشارة الطبيب المتابع للحمل.
ما هي كمية الكافيين في الكابتشينو واللاتيه؟
صدر الكافيين في مشروبات اللاتيه، الماكياتو، الكابتشينو، ...الخ، هو شوت القهوة الاسبريسو، واللي بيحتوي على حوالي 100 مجم كافيين.
ما هي أعلى نسبة كافيين في القهوة؟
القهوة الاسبريسو والقهوة الفلتر هم أكتر الأنواع الغنية بالكافيين. شوت واحد من الاسبريسو في100 مجم كافيين تقريبًا، وكوب صغير من القهوة الفلتر فيه 115 - 175 مجم كافيين تقريبًا.
هل البن الفاتح فيه كافيين أكتر من البن الغامق؟
أشيع إن البن الفاتح بيحتوي على كافيين بنسبة عالية بسبب التحميص الخفيف، لكن البن الغامق بيحتوي على نسبة كافيين منخفضة جدًا بسبب التحميص الشديد. لكن الحقيقة إن نسبة الكافيين رغم تأثرها فعلًا أثناء التحميص، إلا إنه تأثر ضئيل لا يُذكر.
هل في بدائل الكافيين لو عايز أقلل من استهلاكه؟
أيوه، في بدائل كتير زي الشاي الأخضر، الكاكاو، أو مشروبات الأعشاب زي اليانسون والقرفة. كمان ممكن تعتمد على أنشطة زي التمارين الخفيفة عشان تزيد طاقتك من غير كافيين.
اترك تعليقا