كل ما تحتاج معرفته عن تحضير قهوة الماكياتو الإيطالي في البيت
مشروب الماكياتو من مشروبات القهوة اللي اكتسبت شعبية كبيرة في عالم القهوة مؤخرًا خاصةً بين محبين النكهات المتوازنة بين قوة القهوة ونعومة الحليب. سواء اخترت تشرب لاتيه ماكياتو أو اسبريسو ماكياتو، أو حتى ميكاتو كراميل، هتعرف معانا طريقة عمل الماكياتو بكل سهولة في البيت. بس الأول، ايه هو الماكياتو؟ ناس قليلة عارفة حكاية الماكياتو، كتير ناس بتفتكر إنه زي الكابتشينو أو اللاتيه مثلًا، أو إنه مشروب مليان كراميل وحليب وسكر. لكن على العكس تمامًا. أمال ايه هي حكاية الماكياتو؟
ما هو الماكياتو؟
الماكياتو (Macchiato) كلمة أصلها إيطالي ومعناها "ملطخ" وأحيانًا يُطلق عليه "ميكاتو". الماكياتو ظهر في إيطاليا كطريقة لشرب الإسبريسو في فترة ما بعد الظهر، لأن الكابتشينو كان بيُشرب صباحًا بس. الماكياتو بيوفر توازن لطيف بين قوة الإسبريسو وخفّة الحليب، وبيبقى وسط ما بين الإسبريسو الصافي والكابتشينو، لذلك يشتهر المشروب في الكافيهات المجاورة للشركات وأماكن العمل. مشروب الميكاتو عبارة عن دابل شوت اسبريسو مع لمسة خفيفة من الحليب أو الرغوة "تلطخ" الاسبريسو، علشان يوازن بين قوة القهوة ونعومة الحليب.
فوائد تناول الماكياتو
قبل ما ندخل في تفاصيل طريقة عمله، خلينا نتكلم عن فوائد الماكياتو. مش بس طعمه لذيذ، لكنه كمان:
- بيساعد على تحسين المزاج بفضل احتوائه على الكافيين.
- بيعزز النشاط والتركيز، خاصة بعد ضغط عمل فترة الصبح.
- بيُعتبر اختيار مثالي لتخفيف التوتر والاستمتاع بلحظة من الاسترخاء.
عايز تدخل عالم الاسبريسو؟ جرب أفضل قهوة اسبريسو في مصر
أنواع مشروب الماكياتو
الماكياتو من مشروبات القهوة الساخنة الشهيرة في العالم، وفيه نوعين أساسيين:
-
الإسبريسو ماكياتو، وده بيكون شوت إسبريسو مع بضع معالق لبن أو رغوة فوق، فطعمه قوي ومركز.
- اللاتيه ماكياتو: وده بيكون فيه لبن كتير مع شوت إسبريسو يتصب فوقه، فطعمه أخف وأنعم، وبيكون متعدد الطبقات.
المشروبين لذيذين، بس اختيارك بيعتمد على إذا كنت بتحب القهوة قوية ولا لأ.
مش بتحب طعم القهوة القوي بس عايز مشروب غني بطعم اللبن ولمسة قهوة؟ شوف أفضل طريقة لعمل لاتيه مثالي زي الكافيهات
مكونات الماكياتو:
مكونات الماكياتو سهلة وموجودة في كل بيت، تابع معانا وهتعرف الطريقة بالتفصيل بالمكونات المثالية:
-
دابل شوت اسبريسو (أي حوالي 80 مل) ودي القاعدة الأساسية اللي بيعمد عليه الماكياتو (إذا لم يكن لديكم ماكينة اسبريسو أو أداة ال Moka pot - يمكنكم استبدال الاسبريسو بفنجان صغير قهوة سريعة الذوبان Instant Coffee)
-
كمية صغيرة من الحليب (30-50 مل) كامل الدسم للحصول على رغوة مثالية ويمكن استبداله بنوعك المفضل.
- سكر: حسب الرغبة، أو استخدم محلي صحي مثل سكر ستيفيا، ويمكن استبداله بالعسل.
اعرف طريقة عمل الاسبريسو بدون ماكينة في البيت - ألذ اسبريسو بأدوات غير مكلفة
طريقة عمل الاسبريسو ماكياتو في البيت:
طريقة تحضير الماكياتو (أو الميكاتو) سهلة جدًا ومش بتاخد وقت، وطريقة التحضير هي كالآتي:
- جهّز الاسبريسو: استخدم ماكينة إسبريسو أو أداة الـ Moka Pot لتحضير حصتين من الاسبريسو، أي حوالي 60 - 70 مل.
- سخّن الحليب: سخّن كمية صغيرة من الحليب (30-50 مل) لحد ما يوصل لدرجة حرارة عالية لكن قبل الغليان، واخفقه (بمضرب النسكافيه أو مضرب البيض) عشان تتكون رغوة خفيفة.
- ضع الاسبريسو في الفنجان، ثم أضف رغوة الحليب فوقه، واستمتع بأحلى فنجان اسبريسو ماكياتو.
عايز مشروب متوازن بين اللاتيه والماكياتو؟ شوف طريقة عمل الكابتشينو المثالي في البيت
طريقة عمل لاتيه ماكياتو في البيت:
اللاتيه ماكياتو هو المشروب صاحب الطبقات المتعددة وبنستمتع بشكله وطعمه دايمًا من جماله. تعالى نشوف ايه أسهل طريقة تحضير مشروب الميكاتو لاتيه ويطلع مظبوط:
- سخّن الحليب: سخّن كمية أكبر من الحليب (حوالي 150 مل) لحد ما يوصل لدرجة حرارة عالية لكن قبل الغليان واخفقه (بمضرب النسكافيه أو مضرب البيض) عشان تتكون رغوة خفيفة.
- صب الاسبريسو (شوت واحد أي 30 - 40 مل) ببطء شديد فوق الحليب (اللاتيه ماكياتو متوقف على صب القهوة ببطء حتى تتكون الطبقات)
-
ضيف نكهات إضافية (اختياري)، إما بشكل سائل في النهاية، أو رش البودرة فوق المشروب مثل: الفانيليا السائلة، شوكولاتة، قرفة، أو كراميل (وتكون عملت ميكاتو كراميل لذيذ).
ايه أحسن نوع بن يظبط المزاج؟ شوف أنواع البن عند أفضل متجر قهوة في مصر
خاتمة:
الماكياتو مشروب قهوة بسيط لكنه مليان نكهات، وبيوفر تجربة مميزة بين قوة الإسبريسو ونعومة الحليب. سواء كنت من محبي القهوة القوية أو بتحب النكهات الأخف، الماكياتو هيبقى اختيارك المفضل. جربه في البيت وضيف له النكهات اللي بتحبها، وهتكتشف عالم جديد من القهوة!
الأسئلة الشائعة:
جمعنا ليك أكتر الأسئلة اللي بتتردد عن الماكياتو، وردودها، عشان تفهم كل حاجة عن المشروب ده وتقدر تستمتع بيه أو حتى تعمله في البيت من غير أي حيرة.
ايه الفرق بين اسبريسو ماكياتو و لاتيه ماكياتو؟
اسبريسو ماكياتو بيكون أساسه الاسبريسو مع كمية صغيرة من الحليب أو الرغوة. أما لاتيه ماكياتو بيكون أساسه الحليب مع إضافة الإسبريسو فوقه، وبيتكون من طبقات واضحة.
هل ممكن أعمل ماكياتو من غير ماكينة إسبريسو؟
أيوة، ممكن تستخدم الـ Moka Pot أو قهوة سريعة الذوبان كبديل.
أفضل نوع حليب لتحضير الماكياتو؟
الحليب كامل الدسم بيضيف نكهة غنية، لكن ممكن تستخدم حليب قليل الدسم أو حليب نباتي زي حليب اللوز أو الصويا.
هل الماكياتو فيه كافيين؟
نعم، الماكياتو يحتوي على كافيين لأنه قائم على الإسبرسو، اللي بيحتوي على حوالي 100 مجم من الكافيين للدابل شوت.
إيه الفرق بين الماكياتو والكابتشينو؟
الكابتشينو بيحتوي على كمية أكبر من الحليب والرغوة مقارنة بالماكياتو، فبيبقى طعم القهوة فيه أخف. الماكياتو بيكون مركز أكتر.
هل ممكن أعمل ماكياتو بارد؟
أيوة، تقدر تعمل ماكياتو بارد عن طريق استخدام إسبريسو بارد وحليب مثلج. ممكن كمان تضيف ثلج لو بتحب المشروبات المثلجة.
اترك تعليقا