أحسن 4 أنواع بن في السوق المصري: دليل شامل لعشاق القهوة
القهوة بتمثل جزء كبير من ثقافتنا اليومية في مصر، عشان كده كتير بيدور على أفضل أنواع البن في مصر عشان تستمتع بـ نكهتها وريحتها اللي كفاية تعدل مزاجك وتظبط مودك. عشان كده جمعنالك أفضل أنواع البن في السوق المصري والفروق بين أنواع القهوة المختلفة.
مع وجود أنواع كتيرة من البن، كل شخص ممكن يلاقي اللي يناسب ذوقه سواء كان بيحب البن السادة، المحوج، أو حتى القهوة العربية أو الاسبريسو. في المقال ده، هنتكلم عن افضل انواع البن في السوق المصري وأهم الفروق بين الأنواع المختلفة عشان تساعدك تختار الأنسب ليك.
ماهي اشهر أنواع البن في السوق المصري؟
القهوة في السوق المصري ليها أنواع كتير لإنها عالم غني بالاختيارات اللي تناسب كل الأذواق. حبوب القهوة بتيجي من مصادر مختلفة زي البن الكولومبي والبن البرازيلي، الخ، وتوليفة وطحن القهوة بيعمل لنا كل أنواع القهوة اللي بنحبها من التركي الكلاسيكي إلى الإسبرسو المركز، اعرف معانا الاختلافات بين الأنواع عشان تحصل على أفضل تجربة.
البن الخاص بالقهوة التركي:
القهوة التركي هي أقدم وأشهر أنواع القهوة في الشرق الأوسط، ومعروفة بنكهتها الغنية وقوامها التقيل وطبعًا كمان بالوش الذهبي اللي من غيره ميبقاش فنجان القهوة مثالي. القهوة التركي بتتكون من بن مطحون ناعم جدًا (أكثر نعومة من بن الاسبريسو)، ومهم اختيار التحميص والتحويجة المناسبة ليك - هنتناول ده في المقال.
اعرف فوائد القهوة التركية وكمان أسرار عملها بشكل مثالي في البيت!
البن الخاص بتحضير في الاسبريسو:
قهوة الاسبريسو تعتبر من أشهر أنواع القهوة في العالم بسبب تركيزها العالي وطعمها القوي. تعتبر الاسبريسو الأساس لمعظم أنواع القهوة الأخرى زي اللاتيه أو الكابتشينو، وبيتكون الاسبريسو من قهوة مطحونة ناعمة وبيتم تحضير القهوة في أدوات خاصة عشان تبرز قوة القهوة.
البن الخاص بتحضير القهوة العربي:
القهوة العربي غنية عن التعريف بكونها أشهر قهوة في الوطن العربي وتعتبر رمزًا للكرم والضيافة في شبه الجزيرة العربية وبلاد الشام ومصر. تُحضّر القهوة العربي باستخدام البن المطحون قليل التحميص، ويُضاف إليه الهيل (الحبهان) وأحيانًا بعض التوابل الأخرى، وتُقدم مع التمر.
البن الخاص بتحضير الكابتشينو واللاتيه:
اللاتيه والكابتشينو يعتبروا من مشروبات الاتجاه الحديث نسبيًا في عالم القهوة، ويُفضل استخدام بن اسبريسو لتحضيرهم لكن يمكن استبداله بقهوة سريعة الذوبان. مشروبات اللاتيه و الكابتشينو ليهم شهرة ضخمة في العالم، وده بسبب طعمهم الغني والمزيج الفريد من القهوة واللبن وإمكانية إضافة نكهات مختلفة زي البندق، الفانيلا، الكراميل، أو الشوكولاتة. لو لسه مجربتش كوب لاتيه أو كابتشينو عليهم طبقة رغوة كثيفة، فاعرف إن فايتك كتير.
الفرق بين اشهر انواع البن في مصر؟
بما إن البن السادة والبن المحوج هم أشهر أنواع البن في مصر، فخلينا نشوف ايه الفرق بينهم عشان تختار أحسن نوع بن بالنسبة لك:
البن السادة:
البن السادة هو النوع الأكثر نقاءً وبساطة، لإن بيتم تحضيره بدون أي إضافات، و ده بيبرز الطعم الطبيعي للبن نفسه. عشاق البن السادة عادةً بيختاروه عشان يستمتعوا بالنكهة الحقيقية للبن بجميع تفاصيلها، من نكهة التحميص لدرجة الحمضية أو المرارة. البن السادة مناسب للأشخاص اللي بيحبوا قهوة صافية وخفيفة بدون تعقيدات. في مصر، البن السادة بيتمتع بشعبية كبيرة، خاصة بين اللي بيشربوا القهوة التركي في الكافيهات.
اعرف المزيد عن الفرق بين البن الأرابيكا والروبوستا
البن المحوج:
أما البن المحوج بيضيف لمسة مميزة للقهوة من خلال مزج البن مع توابل مثل (الهيل) الحبهان، القرنفل، أو أحيانًا جوزة الطيب. الإضافات دي مش بس بتغير الطعم، لكنها كمان بتضيف أبعاد جديدة ومميزة لتجربة شرب القهوة. البن المحوج بيعتبر اختيار مثالي للناس اللي بتحب النكهات الغنية والمميزة، وبيشربوه كتير في المناسبات أو كنوع من الضيافة المميزة في مصر.
كيف تختار نوع البن المثالي؟
اختيار نوع البن المثالي هنا بيكون حسب الذوق الشخصي. لو بتحب البساطة وطعم القهوة النقي، البن السادة هو الأنسب ليك. أما لو بتحب النكهات المركبة والغنية، جرب البن المحوج واستمتع بتجربة مختلفة.
مزاجك بيظبط بعد جرعة كافيين عالية؟ جرب بن نجار اكسترا روبوستا
الفرق بين انواع البن من حيث درجات تحميص؟
التحميص هو العامل الأساسي اللي بيغير نكهة القهوة. يختلف تأثير البن على الطعم والقوام حسب درجة التحميص كل نوع من انواع البن على النحو التالي:
التحميص الخفيف (بن فاتح):
التحميص الخفيف بينتج عنه بن فاتح محتفظ بالنكهات الطبيعية للبن، زي نكهات الفواكه والحموضة المميزة، مع مستوى كافيين مرتفع بسبب قلة تعرضه للحرارة.
التحميص المتوسط (بن وسط):
البن الوسط بيقدم توازن مثالي بين الحموضة والحلاوة، ومستوى كافيين معتدل، و ده بيخليه خيار شائع لمحبي القهوة التركية والأمريكية.
هل في توليفة مثالية للقهوة تعمل وش ذهبي وطعم خرافي؟ جرب افضل بن في مصر بن نجار جولد واحكم بنفسك!
التحميص الداكن (بن غامق):
التحميص الداكن بيبرز في البن الغامق نكهات عميقة مثل الشوكولاتة والتوابل، مع تقليل الحموضة ومستوى كافيين أقل (نسبيًا) نتيجة التحميص المكثف.
تجربة درجات التحميص المختلفة هتساعدك في العثور على النكهة المثالية التي تناسب ذوقك، لكن بشكل عام البن الوسط أو أكتر بن متوازن تقدر تبدأ بيه طريق المزاج في القهوة.
3 نصائح إضافية لمحبي القهوة
لتحضير فنجان قهوة مثالي، لازم تهتم بالتفاصيل الصغيرة:
- اختار البن الطازج والمناسب لنوع القهوة المفضل ليك.
- استخدم مطحنة بن عالية الجودة، أو اشتري البن فريش بكمية مش كبيرة عشان تتجنب التخزين الطويل.
- راقب درجة حرارة الماء لتجنب إفساد نكهة القهوة.
لو بتحب قهوة الكافيهات، مينفعش بن نجار كافيهات يفوتك بأي شكل!
خاتمة:
في النهاية، اختيار البن المثالي بيختلف من شخص للتاني حسب ذوقه وتفضيلاته. سواء كنت من محبي البن السادة، المحوج، الفاتح أو الغامق، أهم حاجة إنك تركز على جودة البن ومصدره والبائع اللي بتشتري منه وطريقة تحضيره. استمتع بتجربة أنواع البن المختلفة لحد ما تلاقي النوع اللي يناسبك ويكون رفيق يومك المثالي. أو تقدر ببساطة تجرب بن نجار صاحب أفضل نوع قهوة في مصر!
الأسئلة الشائعة:
القهوة دايماً بتحيط بيها أسئلة كتير، خاصةً عن أنواع البن المختلفة وإزاي تختار النوع المناسب لذوقك. في القسم ده، هنجاوب على أكتر الأسئلة الشائعة اللي بتخص أنواع البن في السوق المصري، عشان نوضح ليك كل المعلومات اللي محتاج تعرفها عن أحسن 3 أنواع بن متاحة. تابع معانا علشان تلاقي إجابات وافية وسهلة لكل استفساراتك!
إيه هو أفضل نوع بن في السوق المصري؟
أفضل نوع بن بيتحدد حسب الجودة والمصدر، ومن أشهر الأنواع في مصر والوطن العربي بن نجار صاحب أحلى وش قهوة في مصر.
إيه أفضل درجة تحميص للبن التركي؟
التحميص المتوسط (البن الوسط) بيعتبر الأفضل للقهوة التركي بسبب توازنه بين الحموضة والحلاوة.
كم كمية الكافيين الموجودة في فنجان قهوة؟
كمية الكافيين الموجودة في فنجان قهوة بتختلف حسب نوع القهوة وطريقة تحضيرها (تركي أو اسبريسو أو أمريكية). لكن كمثال، فنجان القهوة التركي يحتوي على نسبة كافيين معتدلة (من 40 - 60 مللي جرام)، وده اللي بيديها التأثير المنشط اللي بيحبه الناس اللي بيشربوها.
هل البن الفاتح فيه كافيين أكتر من البن الغامق؟
أشيع إن البن الفاتح بيحتوي على كافيين بنسبة عالية بسبب التحميص الخفيف، لكن البن الغامق بيحتوي على نسبة كافيين منخفضة جدًا بسبب التحميص الشديد. لكن الحقيقة إن نسبة الكافيين رغم تأثرها فعلًا أثناء التحميص، إلا إنه تأثر ضئيل لا يُذكر.
اترك تعليقا