أسرار القهوة التركية: فوائدها، سعراتها، ونصائح للتحضير المثالي
القهوة التركية تعتبر من أقدم وأشهر أنواع القهوة في العالم، ومعروفة بنكهتها الغنية وقوامها الثقيل. بنستخدمها كتقليد ثقافي وتراثي في الشرق الأوسط وبلاد البحر المتوسط، واتعرفت بإنها القهوة اللي بتجمع الناس حواليها.
في المقال ده هنعرف مكونات وطريقة عمل القهوة التركية، أسرار قليل جدًا يعرفها عنها، سعراتها الحرارية والكافيين فيها.
ما هي القهوة التركية؟
القهوة التركية هي نوع من أنواع القهوة المميزة في الشرق الأوسط. بتختلف عن الأنواع التانية بطريقتها الخاصة في التحضير والطحن، واللي بتنتج قوام سميك وطعم قوي مع وش رغوة مميز.
ليه بن القهوة التركي مميز؟
بن القهوة التركية بيكون مطحون ناعم جدًا، وده اللي بيخلي طعمها مميز عن الأنواع التانية.
طرق تقديم القهوة التركي؟
طريقة التقديم بتكون عادةً في فناجين صغيرة، وغالبًا بتتقدم جنبها قطعة حلوى أو مكسرات.
إقرأ ايضا: كيف تختار أفضل انواع القهوة التركي
مكونات القهوة التركية؟ 4 عناصر اساسية
القهوة التركية بتتكون من البن المطحون الناعم، وده بيميزها عن أنواع القهوة التانية. بنستخدم فيها:
-
البن:
بن محمص ومطحون بشكل ناعم جدًا. -
الماء:
بيستخدم ماء بارد لتحضير القهوة. -
السكر:
السكر اختياري حسب الرغبة، وبيفضل إضافته من البداية لو مطلوب، ويمكن استبداله بسكر ستيفيا لتجنب السعرات. -
المستكة:
من أسرار مهنة القهوجية في مصر هو إضافة حبتين مستكة لتقليل مرارة القهوة وإبراز نكهاتها.
نوع بن القهوة التركية؟
القهوة التركية بتتكون من البن المطحون الناعم، ومهم هنا اختيار تحميص وتحويجة البن المفضل ليك.
لو بتحب طعم الهيل (الحبهان) مع القهوة، فأنت هتحب البن المحوج، وأحيانًا ممكن تختار إضافة جوزة الطيب على التحويجة حسب الرغبة.
أما لو مش حابب الإضافات والتحويجات دي، إذًا البن السادة هيكون أنسب ليك.
طرق ودرجات تحميص البن التركي؟
أما درجات تحميص القهوة التركي (فاتح - وسط - غامق) فبيكون كما يلي:
التحميص الخفيف (بن تركي فاتح):
بيحافظ على نكهات الفواكه والحموضة. عالي الكافيين، لقلة التعرض للحرارة المؤثرة على نسبته.
التحميص المتوسط (بن تركي وسط):
بيوصل لنقطة توازن بين الحموضة والحلاوة. متوسط الكافيين، تحميص متزن في الطعم والمزاج.
التحميص الداكن (بن تركي غامق):
بيبرز نكهات الشوكولاتة والتوابل وبيقلل الحموضة. قليل الكافيين، لكثرة التعرض للحرارة أثناء التحميص.
باختصار، البن التركي المحوج الوسط يُعتبر الأكثر شهرةً بين محبي القهوة التركي، لكن دايمًا اختار اللي يناسب ذوقك. أهم حاجة في تحضير القهوة التركية هي جودة البن وطريقة طحنه الناعمة اللي بتساعد في الحفاظ على الزيوت والنكهات.
فن توليف القهوة: ازاي بنعمل أفضل تحويجة بن مع بن نجار
طريقة وخطوات عمل القهوة التركية؟ 4 خطوات
-
تحضير الكنكة:
ضع 2 معلقة صغيرة من البن الناعم لكل فنجان قهوة في الكنكة، وضيف مقدار مناسب من الماء البارد. -
إضافة السكر:
حسب الرغبة، ضيف السكر من البداية وقلًب. ضيف حبتين مستكة (اختياري). -
التسوية:
ارفع الكنكة على نار هادية، وسيبها لحد ما تطلع الرغوة على الوش. -
صب القهوة:
صب القهوة ببطء في الفنجان عشان تحافظ على الرغوة.
كده يكون جاهز عندك فنجان قهوة تركي غني عن التعريف عن كهاته وتاريخ وأصله.
إقرأ المزيد حول طريقة عمل القهوة التركية بالطريقة المصرية المميزة
فوائد القهوة التركية؟
القهوة التركية مشهورة بفوائدها العديدة، بجانب طعمها الغني والمميز. من أهم فوائد القهوة التركية:
زيادة التركيز والنشاط:
تحتوي القهوة التركية على الكافيين، اللي بيساعد على تحسين التركيز وتقليل الشعور بالتعب.
غنية بمضادات الأكسدة:
بتحتوي على مركبات مضادة للأكسدة، اللي بتحمي الخلايا من الضرر وبتدعم صحة القلب.
تحسين الهضم:
لما تتشرب بعد الأكل، بتساعد القهوة التركية على تحسين عملية الهضم وتخفيف الانتفاخ.
تعزيز الصحة النفسية:
الكافيين في القهوة بيزيد من إفراز الدوبامين والسيروتونين، اللي بيساهموا في تحسين المزاج والتخفيف من التوتر.
إقرأ المزيد: حول فوائد القهوة بمختلف انواعها
الخلاصه
القهوة التركية مش بس مشروب، دي جزء من تراث وثقافة بنعيشها في حياتنا اليومية. سواء كنت بتحبها بسكر أو بدون، بتحضرها بالطرق التقليدية أو بتضيف لمسة شرقية، فالقهوة التركية بتجمع بين الطعم المميز والفوائد الصحية الكثيرة، اطلبها الان بأعل جودة من مجموعة بن نجار افضل متجر شراء قهوة اونلاين في مصر.
أسئلة حول القهوة التركي قد تحتاج الى اجاباتها
القهوة التركية ليها أسرار كتير وأسئلة بتدور حوالين فوائدها، سعراتها الحرارية، وطرق تحضيرها المثالية. في القسم ده، هنجاوب على أكتر الأسئلة الشائعة اللي بتخص القهوة التركية، عشان نوضح ليك كل التفاصيل اللي محتاج تعرفها عن فوائدها، سعراتها، وإزاي تحضرها بطريقة مثالية. تابع معان علشان تلاقي إجابات وافية وسهلة لكل استفساراتك!
هل القهوة التركية فيها كافيين؟
أيوه، القهوة التركية بتحتوي على نسبة كافيين معتدلة (من 40 - 60 مللي جرام)، وده اللي بيديها التأثير المنشط اللي بيحبه الناس اللي بيشربوها.
هل القهوة التركية بتسهر؟
آه، القهوة التركية فيها نسبة كافيين معقولة، وده اللي بيخليها بتسهر. الكافيين بيساعد في زيادة التركيز والصحيان والنشاط، لكن شرب كمية كبيرة من القهوة ممكن يسبب الأرق للبعض.
كم سعرة حرارية في القهوة التركية؟
بالنسبة للناس اللي بيهتموا بالسعرات الحرارية، القهوة التركية فيها تقريبًا 7 سعرات حرارية لكل فنجان من غير سكر. لو ضفت سكر، السعرات بتزيد حسب الكمية. لو ضف أي نوع سكر محلى زي سكر ستيفيا، السعرات مش هتزيد.
هل القهوة التركية ترفع الكوليسترول؟
القهوة التركية ممكن ترفع الكوليسترول لو اتشربت بكميات كبيرة بسبب وجود بعض المركبات اللي بتأثر على مستويات الكوليسترول. عشان كده من الأفضل الاعتدال في شرب القهوة، خصوصًا للناس اللي بيعانوا من مشاكل الكوليسترول.
اترك تعليقا