طريقة عمل الفرابتشينو المثلج المثالي في البيت
لو بتحب القهوة المثلجة أو ال iced coffee، أكيد بـ تتسائل عن الفرق بين الفرابيه والفرابتشينو، خاصةً إن الفرابتشينو هو أحلى مشروب منعش في حر الصيف. لكن ايه معنى كلمة فرابتشينو وجت منين؟ في المقال ده، هتعرف ازاي تعمل فرابتشينو منزلي ينافس المقاهي الشهيرة خطوة بخطوة، وهنشرح الفرق بين الفرابيه والفرابتشينو، الفرق بين الفرابيه واللاتيه، وكمان هنقولك معنى كلمة فرابتشينو. يلا نبدأ!
ايه هو الفرابتشينو وايه معنى الكلمة؟
الفرابتشينو هو مشروب قهوة مثلج مسجل من ستاربكس، بيجمع بين القهوة، اللبن، و التلج مع نكهات لذيذة. أما ايه معنى كلمة فرابتشينو؟ فهي كلمة مُركبة من "فرابيه" (المشروب اليوناني) و"كابتشينو" (المشروب الإيطالي)، وستاربكس ابتكروها عشان يعملوا حاجة مميزة.
إيه الفرق بين الفرابيه والفرابتشينو؟
كتير بيسألوا: هل الفرابتشينو هو نفسه الفرابيه؟ الإجابة لأ! فيه فروق واضحة:
-
الفرابيه: مشروب يوناني خفيف وبسيط، بيتعمل من اسبريسو (أو أحيانًا قهوة فورية)، ميّاه، قليل من اللبن، وسكر، و المكونات دي بـ تتخفق عشان تبقى رغوية.
-
الفرابتشينو: مشروب فاخر من ستاربكس، بيتكون من اسبريسو، لبن، تلج، ونكهات زي الكراميل أو الشوكولاتة، وفوقه كريمة مخفوقة أو لبن مبخر (كخيار صحي أكثر).
يعني الفرابيه أبسط وأخف، بينما الفرابتشينو أغنى ومليان مكونات.
مفيش مشروب منعش أكتر من القهوة المثلجة في حر الصيف. اعرف طريقة عمل الايس كوفي في البيت في دقايق معدودة!
ايه الفرق بين الفرابيه واللاتيه؟
لو عايز تعرف الفرق بين الفرابيه واللاتيه، إليك التفاصيل:
- الفرابيه: بارد، رغوي، ونسبة اللبن فيه قليلة.
-
اللاتيه: دافئ (أو ممكن يكون مثلج)، بيتعمل من اسبريسو ولبن مبخر، من غير الرغوة الكتيرة اللي في الفرابيه.
اللاتيه بيركز على طعم اللبن مع القهوة، بينما الفرابيه ممتع ببرودته و رغوته. دلوقتي بعد ما عرفنا أصل مشروب الفرابتشينو والفرق بينه وبين بعض مشروبات القهوة المثلجة الأخرى، تعالى نشوف ازاي تعمل فرابتشينو في البيت ينافس أشهر الكافيهات.
جربت تعمل كابتشينو احترافي في البيت بـ اللبن المبخر بدون تكلفة؟ شوف طريقة عمل الكابتشينو المثالي في البيت!
مكونات الفرابتشينو
إيه هي مكونات الفرابتشينو المثالي؟ المكونات الأساسية بـ تشمل:
- 2 شوت اسبريسو (أو قهوة سريعة الذوبان مركزة).
- كوب لبن بارد.
- كوب تلج.
- نكهات زي الكراميل، الفانيليا، أو الشوكولاتة.
- كريمة مخفوقة للتزيين، أو لبن مبخر.
ممكن تضيف حاجات زي صوص الكراميل أو قطع الشوكولاتة حسب ذوقك.
مش عندك ماكينة قهوة في البيت؟ مفيش مشكلة! شوف طريقة عمل الاسبريسو بدون ماكينة بأسهل طريقة في البيت!
طريقة تحضير الفرابتشينو
الطريقة الأساسية لعمل الفرابتشينو المثلج سهلة جدًا وهي كالآتي:
- جهز 2 شوت اسبريسو (أو قهوة سريعة الذوبان مركزة).
- في الخلاط، حط الاسبريسو، اللبن البارد، التلج، وملعقة سكر (اختياري، أو يمكن استبداله بالعسل أو سكر ستيفيا).
- اضربهم كويس لحد ما الخليط يبقى ناعم.
- صبه في كوباية، و زينه بكريمة مخفوقة أو بـ لبن مبخر.
طريقة عمل الفرابتشينو كراميل
لو بتحب الكراميل، جرب طريقة الفرابتشينو كراميل في دقايق:
مكونات الفرابتشينو كراميل:
- 2 شوت اسبريسو.
- كوباية لبن بارد.
- كوباية تلج.
- 2 ملعقة كبيرة صوص كراميل.
- كريمة مخفوقة.
:طريقة تحضير الفرابتشينو كراميل
- اخلط الاسبريسو، اللبن، التلج، وصوص الكراميل في الخلاط.
- اضربهم لحد ما يبقوا ناعمين.
- صب الخليط في كوباية، و زينه بكريمة وصوص كراميل إضافي.
عايز تعرف أفضل متجر قهوة فائق الجودة في مصر تجيب منه قهوتك المفضلة؟ شوف رأي العملاء على بن نجار!
القيمة الغذائية للفرابيه و الفرابتشينو
لو بتهتم بصحتك أو بتحسب السعرات الحرارية، إليك القيمة الغذائية للفرابيه و الفرابتشينو:
- الفرابيه: بسيط، حوالي 100-150 سعر حراري لما يتعمل بقهوة فورية، ميّاه، وسكر.
- الفرابتشينو: أغنى، بين 300-500 سعر حراري بسبب اللبن، الكريمة، والنكهات.
نصايح لنسخة فرابيه أقل في السعرات:
- استخدم لبن قليل الدسم أو لبن نباتي.
- قلل السكر أو استبدله بمحليات طبيعية أو سكر ستيفيا.
- استبدل الكريمة المخفوقة بـ لبن مبخر.
تنويعات ونكهات الفرابتشينو
عايز تجرب حاجة جديدة؟ إليك بعض التنويعات والنكهات للفرابتشينو:
- فرابتشينو شوكولاتة: ضيف ملعقة كاكاو أو صوص شوكولاتة.
- فرابتشينو فانيليا: استخدم صوص فانيليا بدل الكراميل.
- نسخة نباتية: استخدم لبن جوز الهند أو اللوز وتجنب الكريمة.
تقدر كمان تعرف كافة أنواع الايس كوفي على مدرسة بن نجار! اعرف الفرق بين الفرابيه واللاتيه وباقي الأنواع!
خاتمة:
دلوقتي عرفت الفرق بين الفرابيه والفرابتشينو، الفرق بين الفرابيه واللاتيه، وكمان ازاي تعمل فرابتشينو بسهولة في المنزل بأقل الإمكانيات.
سواء كنت بتحب الفرابيه الخفيف أو الفرابتشينو الغني، المقال ده فيه كل اللي تحتاجه. جرب وشاركنا رأيك! تقدر كمان تستكشف خصومات بن نجار - أفضل مكان بيع قهوة في مصر
أسئلة شائعة
هنا هنجاوب على كل أسئلتك المتعلقة بالفرابيه والفرابتشينو عشان تستمتع بيهم بشكل مثالي في البيت.
هل الفرابتشينو هو نفسه الفرابيه؟
لأ، الفرابيه أخف ومعمول بقهوة فورية ونسبة اللبن فيه قليلة، بينما الفرابتشينو غني باسبريسو وكريمة ولبن.
ما هي مكونات الفرابتشينو؟
اسبريسو، لبن، تلج، نكهات زي الكراميل، وكريمة مخفوقة أو لبن مبخر.
إزاي أعمل فرابتشينو كراميل؟
اضرب اسبريسو، لبن، تلج، وصوص كراميل في الخلاط، وزيّن بكريمة أو لبن مبخر.
الفرق بين الفرابتشينو واللاتيه؟
الفرابتشينو مثلج وفيه كريمة ونكهات، بينما اللاتيه بيركز على اللبن أكتر والاسبريسو.
اترك تعليقا