ما هي القهوة المختصة في مصر؟ هل هي قهوة فاخرة؟

القهوة المختصة هي فن حديث في عصرنا الحالي بـ يركز على جودة البن، أصله، وطريقة تحضيره. القهوة ليها مكانة خاصة في قلوبنا بس الموجة الثالثة (Third-wave movement) جابت لنا طريقة جديدة نقدر بيها القهوة. من درجات طحن القهوة المختصة لـ أدوات التحضير، المقال ده هيشرحلك كل حاجة عن القهوة المختصة، وازاي تقدر تستمتع بيها في البيت.

ايه هي القهوة المختصة؟

تعريف القهوة المختصة أو الـ Specialty Coffee ببساطة هو قهوة عالية الجودة، بتتصنف بناءً على مقياس الـ100 درجة من جمعية القهوة المختصة (SCA). لازم تحصل على 80 درجة أو أكتر في اختبار التذوق (cupping) عشان تكون "مختصة". القهوة دي بتركز على:

• جودة البن: حبوب بـ يتم حصادها بالحباية، ومن مزارع محددة بظروف زراعة مثالية.
  
• الطعم: الطعم الفاكهي للقهوة بيكون ظاهر، بما إن القهوة في الأصل فاكهة.
  
• الشفافية: معرفة مين زرع البن، ومن أي منطقة، وازاي تم إنتاجه.
  
• الحرفية: تحميص وتحضير دقيق عشان تطلع أحسن نكهات.

لو بتسأل ما هي القهوة المختصة؟، فهي قهوة بتحترم كل خطوة في رحلة البن من المزرعة لفنجانك، ومش بيشربها إلا المتعمقين في عالم القهوة.

تعرف ايه هي أفضل أنواع البن في مصر؟ اعرف مميزات كل نوع من حبوب البن واستمتع بالقهوة اللي تكيفك.

ما هو تاريخ القهوة المختصة والموجة الثالثة؟

تاريخ القهوة المختصة بدأ مع الموجة الثالثة في أوائل الـ2000، لما الناس بدأت تهتم بجودة البن أكتر من مجرد شرب قهوة عادية. الموجة الأولى كانت عن انتشار القهوة زي ماركات زي فولجرز، والموجة التانية كانت عن المقاهي الكبيرة زي ستاربكس اللي قدمت مشروبات مبتكرة. أما الموجة الثالثة، فهي عن تقدير القهوة كـ فن مع التركيز على النكهات والأصول.

في مصر، الموجة الثالثة بدأت تظهر مع افتتاح مقاهي متخصصة في القهوة المختصة، وكمان مع مهرجان القهوة اللي بيجمع عشاق القهوة مع أفضل الماركات.

اعرف طريقة عمل الاسبريسو بدون ماكينة قهوة في البيت بأسهل طريقة 

ما هو الفرق بين القهوة المختصة والقهوة العادية؟

الفرق مش بس في الطعم أو السعر — دا فرق في قصة كل حبة من المزرعة لحد فنجان القهوة. هنتكلم بسرعة عن ثلاث حاجات تشرح الفرق: مصدر الحبوب، معايير المعالجة، وتجربة التذوُّق.

القهوة العادية (أو التجارية):

 هي القهوة اللي متعودين نشتريها من زمان من محمصة القهوة و بتُكون من حبوب مختلطة من مزارع مختلفة، وغالباً بجودة أقل، وبتتركز على الكمية أكتر من الجودة.

أما القهوة المختصة:

• بتيجي من مزارع محددة (single-origin).
  
• بـ تتحمص بعناية (فاتح أو وسط) عشان تبرز النكهات الطبيعية.
  
• بـ تتحضر بأدوات دقيقة وطرق متقنة عشان تستمتع بكل مميزاتها ونكهاتها.
  

هو ده الفرق بين القهوة التجارية والقهوة المتخصصة، القهوة التجارية بتكون رخيصة نسبيًا ومنتجة على نطاق واسع، بينما القهوة المختصة بتركز على الجودة، الشفافية، والاستدامة. لكن الطعم؟ يا ترى ازاي بيختلف؟

ليك مزاج لأشهر فنجان قهوة في مصر؟ اعرف أسرار القهوة التركي مع بن نجار

هل طعم القهوة المختصة أفضل؟

ده يعتمد على ذوقك! القهوة المختصة بـ تقدم نكهات أكتر تعقيدًا، زي نكهات الفواكه، الشوكولاتة، أو حتى الزهور، بسبب العناية بكل خطوة من زراعة البن لتحضيره. لو بتحب القهوة العادية اللي طعمها مألوف، ممكن تحس إن المختصة مختلفة، بس لو جربتها، هتكتشف عالم جديد من النكهات.

ما هي درجات طحن القهوة المختصة؟

درجات طحن القهوة المختصة بتفرق جدًا في الطعم. كل طريقة تحضير بتحتاج درجة طحن معينة:

• ناعم جدًا: للإسبريسو، عشان النكهة تطلع قوية.
  
• ناعم: للأيروبريس أو الموكا بوت.
  
• متوسط: للبورفر (التقطير).
  
• خشن: للفرنش برس أو الكولد برو.
  

لو الطحن مش مناسب، ممكن القهوة تطلع مرة أو ضعيفة، لذلك يُفضل استخدام مطحنة بن جودتها عالية.

عايز تعمل فنجان قهوة بأحلى وش قهوة في مصر؟ جرب متجر قهوة بن نجار

طريقة تحضير القهوة المختصة

طريقة عمل القهوة المختصة بتعتمد على الأدوات والدقة. أشهر الطرق:

• الأيروبريس (AeroPress): جهاز صغير بيستخدم الضغط، بيطلع قهوة غنية.
  
• الكولد برو (Cold Brew): نقع البن في ميّاه باردة لمدة 12-24 ساعة، مثالي للصيف.
  
• البورفر (Pour-over): صب الميّاه السخنة على البن المطحون في فلتر ورقي، بيدي طعم نقي.
  

كل طريقة بتحتاج نسبة بن وميّاه معينة، ودرجة حرارة مناسبة (عادةً 90-96 درجة مئوية).

اعرف ايه هي قهوة ديكاف لو عايز تستمتع بطعم القهوة من غير ما يدخل جسمك كافيين

الخلاصة

الموجة الثالثة غيرت طريقة تفكيرنا في القهوة في مصر. من المقاهي المختصة، لأحداث زي مهرجان القهوة، القهوة المختصة بقت جزء من ثقافتنا. سواء كنت بتحب تجرب نكهات جديدة أو تعمل قهوتك في البيت، المقال ده فيه كل اللي تحتاجه عشان تبدأ رحلتك مع القهوة المختصة. جرب وشاركنا تجربتك!

أسئلة شائعة

هنا هتلاقي إجابات على أسئلتك عن القهوة المختصة:

ازاي أضمن إن البن اللي بستلمه "قهوة مختصة" فعلًا؟

دور على شفافية المعلومات عن القهوة، زي مصدر البن، تاريخ الزراعة وتاريخ التحميص.

هل القهوة المختصة أغلى؟ وليه؟

عادة أغلى لأن تكاليف الإنتاج أعلى (اختيار يدوي، متابعة الجودة، تكاليف تتبع) لكن بتاخد جودة عالية وتجربة طعم مختلفة.

هل ممكن أحتفظ ببن قهوة مختصة لفترة طويلة؟

 احفظه في ظرف محكم بعيد عن الضوء والرطوبة، والأفضل تستهلكه خلال 2–4 أسابيع من التحميص لأفضل طعم.

مقالات قد تهمك:

اعرف ايه هي قهوة ديكاف لو عايز تستمتع بطعم القهوة من غير ما يدخل جسمك كافيين

اعرف الفرق بين البن الكولومبي والبن البرازيلي