ما هي القهوة الأمريكية؟ مكوناتها وطريقة عملها
القهوة الأمريكية، أو "الأمريكانو" هي واحدة من أشهر أنواع القهوة في العالم، وفي مصر بقت جزء من روتين كتير مننا. سواء بتحب تشربها في الكافيه ولا تعملها في البيت، المقال ده هيشرحلك كل حاجة عن طريقة عمل القهوة الأمريكية، أفضل أنواع القهوة الأمريكية في مصر، فوائد القهوة الأمريكية، وأضرار القهوة الأمريكية لو زادت. كمان هنوضح الفرق بين القهوة الأمريكية والتركية والبلاك، وهنقولك ازاي تستخدمها للتخسيس. يلا، جهز فنجانك وتعالى!
ايه هي القهوة الأمريكية؟
القهوة الأمريكية أو الأمريكانو هي قهوة بتتعمل بإضافة ميّاه سخنة لشوت اسبريسو. الطريقة دي بتخفف قوة الاسبريسو وبتخلي الطعم أنعم وألطف. ظهرت القهوة دي أيام الحرب العالمية التانية لما الجنود الأمريكان في إيطاليا حسوا إن الاسبريسو قوي أوي، فقرروا يضيفوا ميّاه عشان يخففوه. لكن يا ترى ايه هي أنواع القهوة الأمريكية؟
أنواع القهوة الأمريكية
رغم إن الأساس واحد، لكن فيه تنويعات متعددة للقهوة الأمريكية:
- الأمريكانو المثلج: بـ ميّاه باردة بدل الساخنة.
-
الأمريكانو السوداء (بلاك): من غير لبن أو سكر.
- الأمريكانو بالحليب: مع إضافة لبن ساخن أو بارد.
-
القهوة الأمريكية الحمراء/الزرقاء: دي أسماء تجارية لبعض الماركات زي نسكافيه، بيستخدموها عشان يميزوا خلطات معينة.
أميركان كب هي أحلى نوع قهوة أمريكية ممكن تجربه. جرب وسيبلنا رأيك
ما هي فوائد القهوة الأمريكية؟
القهوة الأمريكية - زيها زي باقي أنواع القهوة - فوائدها كتير، خاصةً لو بتشربها باعتدال:
-
زيادة التركيز: الكافيين بيساعدك تركز وتبقى نشيطة.
-
تحسين المزاج: بيخليك تحس بالسعادة بسبب إفراز الدوبامين.
-
مضادات أكسدة: بتحمي جسمك من الأمراض زي السكري وبعض أنواع السرطان.
-
حرق الدهون: القهوة الأمريكية للتخسيس ممكن تساعد في زيادة الأيض لو شربتها سوداء من غير سكر.
اقرأ عن فوائد القهوة بالتفصيل و الكمية المسموحة يوميًا.
ما هي أضرار القهوة الأمريكية؟
زي أي قهوة، لو زادت عن الكمية المسموحة، ممكن تظهر بعض الأعراض زي:
-
القلق: الكافيين الزائد ممكن يسبب توتر.
-
الأرق: لو شربتها بالليل، ممكن تأخر نومك.
-
حموضة المعدة: خاصةً لو بتشربها على معدة فاضية.
-
ارتفاع ضغط الدم: لو عندك مشاكل في الضغط، خلي بالك.
الأفضل تشرب فنجان أو اتنين في اليوم، وما تزودش عن 400 ملجم كافيين.
جربت فنجان قهوة بـ وش ذهبي لذيذ؟ حرب بن نجار جولد
مكونات القهوة الأمريكية
مكونات القهوة الأمريكية بسيطة جدًا:
- شوت اسبريسو (حوالي 30 مل)
- ميّاه سخنة (60-90 مل حسب ذوقك)
- اختياري: لبن، سكر، أو نكهات زي الفانيليا
درجة طحن القهوة الأمريكية لازم تكون ناعمة زي اللي بتستخدم للاسبريسو، عشان الاسبريسو هو أساس المشروب. و لو عايز القهوة الأمريكية السوداء (بلاك)، ما تضيفش لبن ولا سكر، وهتبقى طعمها قوي ونقي.
اعرف طريقة عمل الاسبريسو بدون ماكينة قهوة في البيت بأسهل طريقة
طريقة عمل القهوة الأمريكية
طريقة تحضير القهوة الأمريكية سهلة وما بتاخدش وقت. إليك الخطوات:
- اعمل شوت اسبريسو بماكينة القهوة أو باستخدام الـ Moka Pot.
- صب ميّاه سخنة (حوالي 60-90 مل) على الاسبريسو. النسبة بتعتمد على إزاي بتحبها: لو عايزها قوية، استخدم ميّاه أقل، ولو خفيفة، زوّد الميّاه.
- لو بتحب اللبن، جرب طريقة عمل القهوة الأمريكية بالحليب: ضيف لبن ساخن أو بارد في الآخر، وممكن تضيف رغوة لو عندك جهاز رغوة أو مضرب نسكافيه.
ليك مزاج لأشهر فنجان قهوة في مصر؟ شوف طريقة عمل القهوة التركية بطريقة مثالية في البيت
الفرق بين القهوة الأمريكية والتركية
الفرق واضح بين القهوة الأمريكية والتركية:
-
القهوة التركية: بتتعمل بـ بن مطحون ناعم جدًا وبتتغلى في كنكة، طعمها قوي ومركز، وفيها رغوة كثيفة.
- القهوة الأمريكية (الأمريكانو): أخف بكتير، بتتعمل بإضافة ميّاه سخنة للاسبريسو، ومافيهاش رغوة زي التركية.
لو بتحب القهوة القوية بطعمها الغني الساحر، التركية هتكون اختيارك اللي هتعلّي مزاجك. أما لو عايز حاجة خفيفة، جرب القهوة الأمريكية.
عايز تعمل فنجان قهوة بأحلى وش قهوة في مصر؟ جرب متجر قهوة بن نجار
الخاتمة
القهوة الأمريكية هي خيار مثالي لو بتحب القهوة الخفيفة والناعمة. سواء بتعملها في البيت بماكينة أو من غير، أو بتشربها في كافيه، المقال ده غطى كل حاجة انت محتاجها من تحضير القهوة الأمريكية، فوائدها، أضرارها، والفرق بينها وبين أنواع تانية زي التركية والبلاك. جربها وشاركنا رأيك!
الأسئلة الشائعة
إيه الفرق بين القهوة الأمريكية والأمريكانو؟
مفيش فرق، القهوة الأمريكية هي نفسها الأمريكانو، بس أسماء مختلفة لنفس المشروب.
إزاي أعمل قهوة أمريكية من غير ماكينة؟
استخدم Moka Pot أو مصفاة قهوة أو فرنش برس، وصب ميّاه سخنة على البن المطحون، وبعدين ضيف ميّاه زيادة لو عايزها أخف.
هل القهوة الأمريكية تساعد في التخسيس؟
الكافيين ممكن يزود الأيض، بس لازم تشربها من غير سكر أو لبن، وتكون محافظ على حياة صحية.
إيه أحسن نوع بن للقهوة الأمريكية؟
البن الأرابيكا هو الأفضل لأنه بيدي طعم ناعم ومتوازن.
كام سعرة في فنجان قهوة أمريكية؟
لو سوداء، تقريبًا صفر. لو ضفت لبن أو سكر، ممكن توصل لـ30-50 سعرة.
ما هو الفرق بين القهوة الأمريكية والبلاك؟
البلاك كوفي: أي قهوة سودا من غير لبن أو سكر، ممكن تكون مقطرة، معمولة بفرنش برس، أو حتى اسبريسو. القهوة الأمريكية: نوع معين من البلاك كوفي، بتتعمل بإضافة ميّاه سخنة للاسبريسو، فبتكون أخف من البلاك العادية
اترك تعليقا